All Posts

Neu im Sortiment: S’Chufa‑Müesli verbindet dr nussig Genuss, ohni dass me muess uf Irgendöppis verzichte. Vieli vo mine Bekannte, wo bi mir Müesli bschtellt hei, hei s’Mandu oder s’Chnusper Müesli nid chönne ässe, will si uf Nüsse allergisch si. Drum ha i nach ere Alternative gsuecht, wo trotzdem e nussartiige Gschmack und Konsistenz het. So bi i uf d’Erdmandle us Valencia (Spanien) gstosse. Si verbinde dr Gschmack und d’Konsistenz vo ere Nuss mit ere natürleche, feine Süssi.

Sit em 20.04.2026 chasch i dr Öpfukurve im Gwatt (Thun) mis Müesli o direkt im Lade choufe. Nebe Mandu, Chnusper und Schoggi isch jetzt o s’neui Chufa‑Müesli dort im Regal. D’Andrea freut sich riesig über din Bsuech i ihrem härzig und mit viu Härzbluet iigrichtete Lade. Gniess doch ä feini Niesenspitze uf dr Terrasse und nimm der grad no es Müesli vo dr Müeslistube Thun mit hei. Meh Infos zur Öpfukurve und zudä Öffnigszyte findisch im Menü unter Partner‑Lädeli.